蘋果日報
親民有禮嘅舉動令粉絲非常感動。
韓國人氣樂隊CNBLUE嘅鼓手姜敏赫,今日撇低一眾隊友,單拖來港,為聽日下晝於馬鞍山新港城中心舉行嘅活動做準備,吸引近百名粉絲接機。
約下晝5時,頭戴黑色冷帽、墨鏡、黑色外套嘅姜敏赫,以全身清一色黑色嘅造型現身。一向出名親民嘅佢,經秘道出閘,全程不停向粉絲微笑揮手,本來佢已經登上接機嘅私家車,但佢突然落車,再次俾在場嘅傳媒同粉絲影相,而且向四周嘅粉絲不停揮手,之後佢鞠完躬先上返車離開,親民有禮嘅舉動令粉絲非常感動。
[
本帖最後由 loveyjhs 於 2014-11-22 23:45 編輯 ]